Antonius
Praetorius
Vita
et facta (translatio:
Burghard Schmanck)
Antonius
Praetorius natus est Lippstadio, anno 1560; defunctus est Lautenbaci, quae
civitas ad viam Montanam
sita est, die 6
Decembris 1613.
Parochus
fuit Reformatorius, Theologus et Scriptor. Pugnavit factis literisque suis etiam
contra lamiarum persecutionem torturamque.
Anno
1586 mulier eius, nomine Maria, peperit filium Iohannem. Antonius tum erat
Rector scholae Latinae in civitate Camensi.
Postea
Antonius Praetorius primus Tutelhaemii Palatini Parochus Reformatorius electus
est.
Ibi
anno 1595 Primum Vas Heidelbergense, quod anno Christi nati 1589 et tribus
sequentibus mirifice non
minus quam magnifice constructum erat, versibus
Latinis descripsit.
Deinceps vero anno 1597 a Comite Wolfgango Ernesto
Burstaenii Isenburgicae Ecclesiae Minister Verbi arcessitus est.
Ibi a Comite etiam “socius iudicii de lamiis” electus est. Sed
Comite absente aliquando tam fortiter contra torturam feminae innocentis
protestatus est, ut causa finiretur et femina dimitteretur. Quae fortitudo
singularis Praetorio autem
non profuit. Officio dimissus et terra expulsus est.
Anno
1598 Lautenbaci parochiam accepit. Eodem anno librum de lamiis edidit, sed
mortem timens, non suo nomine, sed filii Ioannis. In eo libro sagaciter contra
vanam persecutionem lamiarum argumentatus est. Anno 1602 et 1613 secunda et
tertia editio eius libri vero auctoris nomine lata est. Anno 1629, 16 annos post
eius mortem, quarta editio ab ignotis sponsoribus lata est.
Opera
Praetorii:
Vas Heidelbergense, Heidelbergae, mense Octobri 1595 (Transtulit in linguam Germanicam: Burghard Schmanck)
De
lamiis eorumque operibus inquisitiones magna cum diligentia factae in lingua
Germanica per „Ioannem Scultetum Westpahlo-camensem“, anno 1598 et nomine
vero 1602, 1613 et 1629.
De
sacrosanctis novi foederis Iesus Christi Sacramentis, 1602 (Translatio in
linguam Germanicam a Burghard Schmanck praeparatur.)
De
pii magistratus officio, iure ac potestate in religione et ecclesiis ad verbi
Dei normam reformandis, 1596 (Transtulit
in linguam Germanicam: Burghard Schmanck)
Epithalamia
(Transtulit in linguam Germanicam: Burghard Schmanck):
Clarissimo iuris utriusque Doctori Domino Iano Grutero
Sponso 1601
NEMO
ad desideratissimas … nuptias … Lautenbaco venit, 1613
Litteratura:
Hartmut Hegeler: Anton Praetorius, Kämpfer gegen Hexenprozesse und Folter, Unna 2002, ISBN 3980896943
Hartmut Hegeler und Stefan Wiltschko: Anton Praetorius und das 1. Große Fass von Heidelberg. Unna 2003, ISBN 3980896900
Nexus externi in
Interrete:
http://www.anton-praetorius.de Vita et scripta
http://www.fass-heidelberg.de Antonius Praetorius et Primum Vas Heidelbergense
http://www.rzuser.uni-heidelberg.de/%7Ecd2/drw/F3/praetor/o02wid.htm
Editio originalis de lamiis anni 1613